பெண்மையை
போற்றுவாரெனில்
அவள் மெய்யழகை போற்றுவர்.
வண்ணங்களின் ஒளியில்
வசிய பட்ட மனிதனின்
கண்களில் ஒதுக்கப்படும்
ஒப்பில்லா அழகுடன் பிறந்த
கறுப்பு நிறத்தழகி நான் !
வாசல் வரை வந்து பெண்
கறுப்பென்றான் ஒருவன்,
கவலை இல்லை என்றான்
வேறொருவன் !
பேதம் இல்லை என
வேதாந்தம் பேசி
கொள்ளையடிக்க வந்தனரோ !
கண்மூடி திறக்கும் முன்னே
காட்சிகள் வேறொன்றாய்
மாறியதுவே !
ஆதரிப்பார் பெண்களை
இலக்கியங்களில்
கவிதைகளில் !
தாய் தந்தைக்கு ஒரு
மருமகனும்
தமையனுக்கு ஒரு
மைத்துனரும்
தமக்கைக்கு
கொழுந்தனையும் எங்கு
தேடியும் கிடைக்கவில்லை
அவளை தேடவும்
அனுமதிக்கவில்லை !
தன் ரேகை தெரியாத
பொய் ரேகைக் காரரிடம்
கைரேகை பார்த்துப் பார்த்து
நாள்காட்டியில் கிழிக்கப்பட்ட
பக்கங்களில் என்
நரைமுடியின் அடர்த்தியும்
கூடுகிறது !
கன்ன சுருக்கங்களுக்குத்
தெரியும் நான் கண்ட
கனவுகள் எதுவென்று?
கொக்காக நான் நிற்க
கொழுத்து தான் போனது
கொஞ்சம் இந்த ஊர் பேசும்
பேச்சும் !
காலம் செல்கிறது
கட்டளையும் தளர்கிறது.
வரன் தேடுகிறார் சுலபமாக
வருகிறது !
இரைத்தேடும் பறவையாய்
கிடைத்ததை அடையும் பொருட்டு
விலை பேசி விருப்பமற்று
விற்கப்படுகிறேன் "இரண்டாம்
தாரமாய்"
ஜெயலட்சுமி.கே, திருவனந்தபுரம்
மனதில் சுமையை ஏற்றி வைக்கிறது இக்கவிதை.
பதிலளிநீக்குஇவ்வுலகில் இந்நிலை ஒரு நாள் மாறும். இது உறுதி.